رأيتها من بعيد تجرى وتجرى مسرعه تريد ان تلحق صلاة الجماعه
ا صلاة الظهر .. لعلها تلحق معاد المحاضرة فوقتها مشغول جدا ..ما بين المحاضرات والاجتماعات ..والندوات
دخلت المسجد وهى تنهج من كثرة الجرى
القت بحاجاتها على الارض
ووقفت تصلى وسط اخواتها
وفجأه ...
خرج من حقيبتها صوت يقول ** سمع الله لمن حمده **
وكان الامام فى السجود .. فقام الناس يحسبونه صوت الامام يقول سمع الله لمن حمده .. فحدثت بلبله
فى الصفوف أثناء الصلاة..بعضهم وقفوا وبعضهم كملوا سجود
فقد نسيت هذه الفتاه أن تغلق هاتفها الجوال او تجعله صامتا أثناء دخولها المسجد
وصوت اخر لشيخ يقرأ قراءن .. وصوت أخر لموسيقى لاخوات اخريات
واين فى المسجد ؟؟!!!!
فكم ذنب اخذته هذه الفتاه وغيرها ممن أحدثوا بلبله فى الصفوف
وقد نسينا قول الله سبحانه وتعالى
((مالكم لا ترجون لله وقارا))
أتعرف هذه الفتاه وغيرها ونحن ايضا معنى هذه الايه الكريمه؟؟!!
والله لو عرفنا كلنا معنى هذه الاية الكريمه لاغلقنا هواتفنا طول الوقت وليس وقت الصلاة فقط
بنعرف ننظم مواعيدنا كلها .. واول ما ندخل محاضرة أول شئ بنفتكره نغلق الموبيل تبجيل واحترام للدكتور ا
لموجود امامك
وأأأأأأه لو نسيت وكان موبيلك مفتوح اثناء المحاضرة الدكتور بيهزقك وبيسحب كارنيهك وممكن تشيل الماده
كلها وتطرد كمان من المحاضرة .. لانه بيضايق جدا ومش عايز حد يقاطعه أثناء كلامه
فما بالك بملك الملوك .. الله العلى القدير !!!! .... ويمهلك الله لعلك تفوق من غفلتك وتقدره .. وكمان
بيسامحك لو انت توبت .. ما اكرمك يا كريم !!!!
فلماذا نحترم خلق الله .. وننسى احترامنا لله !!!
فمن اولى باحترامنا له ؟؟!!!!
لهتنا الدنيا والترف والشغل .. لدرجه ان الامام يقول قبل الصلاة
سووا الصفوف وسدوا الفرج واغلقوا الهواتف وصلوا صلاة مودع!!!
طب واللى جه متأخر ولم يسمع هذه الجمله من الامام ..وقرأ ورقه مكتوبه اغلق الهاتف قبل الدخول للمسجد
وبرده لم يجعله صامت !!!!
ياريت كلنا نقف وقفه ونفكر شويه فى الموضوع ده
وكل ما ندخل المسجد نفتكر هذه الايه
((مالكم لا ترجون لله وقارا))
ولو بنحب ربنا ..وربنا فى قلوبنا وعقولنا وتفكيرنا
مش هننسى نقفل الموبيل احترام واجلال لمن نحن سنقف بين يديه اثناء
الصلاة...
الثلاثاء فبراير 15, 2011 1:50 am
