ارفعي راسك يامصر...

ياعيون مصر الحزينة افرحي
واغسلي ليالي القهر بطلوع الفجر الندي
يا ارض الكنانة..والرسالات
جددي جواكي الأمل بعز..
وانسي اللي فات..
ثورتك كانت قوية
كانت بحق
كانت مطالب
اصرخي بالحق قولي اننا صحينا فيكي
حلم غايب
ارفعي راسك يا مصر
وارمي كاس مليان بمر
وافتحي عيونك وزيحي اي حزن
دول ولادك راضعين مجدك وعزك
مش عقارب
واقفين لكل طاغي واي ظالم
لو يفكر يوم يدمر فرحتك
لابد ييجي ينحني قدام مداسك
ويبوس ترابك
ارفعي راسك يامصر
دا الحبيب المصطفى وصى ناخد من جنودك
من رجالك
من حراسك
طبعهم دوما وفا
وف وريدهم يجري السلام
مليانين حب ودفا
خير.... ووئام
قولي لبلاد الغرب الغبية
ان مصر واحدة وايد عفية
م الصعيد ..لاسكندرية
نفس واحد...مصر فينا
مصر لينا
مصر بشبابك نورت
وخلت عيون العالم علينا
مصر مصر المصريين
مصر حضن كبير يضم
كل ملة وكل دين
مصر علم مرفوع بفخر
لشعب حر..
صادق..امين
وهما دووووول المصريين.

مصر بشبابك نورت
وخلت عيون العالم علينا
مصر مصر المصريين
مصر حضن كبير يضم
كل ملة وكل دين
مصر علم مرفوع بفخر
لشعب حر..

تسلم يداك امين
ربنا ينصر شعب المصري
والامة العربية

بارك الله فيكم
شكرا على المرور الكريم